కెమెరా కన్నుకి...కొత్త చూపు! (Eenadu_07/11/12)

వాడేది స్మార్ట్‌ మొబైల్‌! కెమెరా ఉండనే ఉంది! అప్పుడప్పుడు క్లిక్కులు కొడుతుంటారు! మరి, అదనపు హంగులు అద్దుతున్నారా?అందుకు చక్కని చిట్కాలు.. అప్లికేషన్లు ఉన్నాయి! ప్రయత్నిస్తే మీ ఫొటోలు కెవ్వు కేకే! మెగాపిక్సల్స్‌లో కూడిన నాణ్యమైన కెమెరాలు మొబైల్‌లో ఇమిడిపోతున్నాయి. వాటితో ఫొటోలు తీయడమే కాకుండా ఆ కెమెరాకు సరికొత్త సౌకర్యాలు అందించవచ్చని మీకు తెలుసా? ఫొటోని క్లిక్‌ మనిపించగానే అప్పటికప్పుడే వివిధ రకాల బ్యాక్‌గ్రౌండ్‌ డిజైన్లతో ప్రివ్యూ చూడొచ్చు. కొన్ని సందర్భాలకు సంబంధించి వరసగా ఫొటోలు తీయవచ్చు. తీసిన ఫొటోలను సోషల్‌నెట్‌వర్క్‌ల్లో షేర్‌ చేయవచ్చు. ఇలా చాలానే ఉన్నాయి... వివరాల్లోకి దూకండి.మొత్తం 72 ఎఫెక్ట్‌లు! ఆండ్రాయిడ్‌ మార్కెట్లో ఉచితంగా దొరికే Pudding Camera ను డౌన్‌లోడ్‌ చేసుకుంటే మీ మొబైల్‌ కెమెరా ప్రొఫెషనల్‌ కెమెరా మాదిరిగా మారిపోతుంది. 72 స్పెషల్‌ ఎఫెక్ట్‌లతో ఫొటోలు తీయొచ్చు. మల్టీఫ్రేమ్‌ షాట్స్‌, ఫిష్‌ ఐ, టోయ్‌ ఎఫెక్ట్స్‌ ఉన్నాయి. Face Recognition, Grid Feature, Self Camera mode...లాంటి ఆప్షన్లు చాలా ఉన్నాయి. ఎక్కువ ఫొటోలను ఒకేసారి షేర్‌ చేసే వీలుంది. డేట్‌, టైం, ఇమేజ్‌ సైజ్‌... వివరాలతో ఫొటోలను ప్రివ్యూ చూడొచ్చు. 472, 700, 1280 పిక్సల్‌ సైజుల్లో ఫొటోలు తీసుకోవచ్చు. ఎంపిక చేసుకున్న ఫొటోలను మెయిల్‌ చేసే వీలుంది.http://goo.gl/GSgZv రెండిటిలోనూ..! ఐఫోన్‌, ఆండ్రాయిడ్‌ యూజర్ల కోసం ప్రత్యేకంగా రూపొందిందే Camera 360. ముందు, వెనకా ఏర్పాటు చేసిన రెండు కెమెరాల్ని ఇది సపోర్ట్‌ చేస్తుంది. ఫుల్‌స్క్రీన్‌ మోడ్‌లో హై రిజల్యుషన్‌తో ఫొటోలు తీసుకోవచ్చు. కెమెరా 360 క్లౌడ్‌ స్టోరేజ్‌లో ఆన్‌లైన్‌లోనే ఫొటోలను భద్రం చేయవచ్చు. 'మ్యాజిక్‌ కలర్స్‌' ఫీచర్‌తో ఫొటో క్వాలిటీని మరింత పెంచొచ్చు. ఫొటోలను గీసిన బొమ్మలా మార్చే 'స్కెచ్‌' సౌకర్యం ఉంది. హెచ్‌డీఆర్‌ ఎఫెక్ట్‌తో ఫొటో రిజల్యుషన్‌ని పెంచొచ్చు. ఆండ్రాయిడ్‌ యూజర్లుhttp://goo.gl/HVvstలింక్‌ నుంచి ఉచితంగా పొందొచ్చు. ఐఫోన్‌ యూజర్లు ఐట్యూన్స్‌ నుంచి పొందొచ్చు. http://goo.gl/EmZ8y 'పవర్‌' పెంచండి! డిజిటల్‌ కెమెరాలో మాదిరిగా క్వాలిటీ ఫొటోలను తీసేందుకు PowerCamటూల్‌ని నిక్షిప్తం చేసుకోండి. వివిధ రకాల ఫిల్టర్లు, ఎఫెక్ట్‌లను సెలెక్ట్‌ చేసుకునే వీలుంది. Tilt-Shift, Panorama, Collage... లాంటివి ప్రత్యేకం. వైడ్‌ యాంగిల్‌లో ఫొటోలను తీసేందుకు 'పనోరమా' ఆప్షన్‌ ఉంది. Color Splashతో అక్కర్లేని రంగుల్ని తొలగించొచ్చు. లేని రంగుల్ని కలపచ్చు కూడా. ఫొటోలను సోషల్‌ నెట్‌వర్క్‌ల్లో షేర్‌ చేయవచ్చు. ఆండ్రాయిడ్‌ యూజర్లుhttp://goo.gl/4fMW9నుంచి పొందొచ్చు. ఐఫోన్‌ వెర్షన్‌ని ఐట్యూన్స్‌ని పొందే వీలుంది. http://goo.gl/494Uu నోకియా వాడుతున్నారా? సింబియాన్‌ ఓఎస్‌తో నోకియా వాడుతుంటే ఓవీ స్టోర్‌లో ప్రత్యేక అప్లికేషన్స్‌ సిద్ధంగా ఉన్నాయి. అందుకు ఉదాహరణే CameraPro. తాకేతెర మొబైళ్లలో మాత్రమే కాకుండా సాధారణ మొబైళ్లలోనూ దీన్ని వాడుకోవచ్చు.ISO Setting, AutoFocus, HDR, timer... లాంటి మరిన్ని సౌకర్యాలు ఉన్నాయి. సెల్ఫ్‌టైమర్‌తో ఫొటోలు తీసుకోవచ్చు. యాంటీషేక్‌, ఫేస్‌డిటెక్షన్‌ కూడా ఉన్నాయి. http://goo.gl/TdihI*ఇలాంటిదే మరోటి Camera Plus. సులువైన ఇంటర్ఫేస్‌తో రూపొందించారు. http://goo.gl/aQKIW వారికి ప్రత్యేకం విండోస్‌ ఓఎస్‌తో మొబైల్‌ వాడితే కెమెరా సదుపాయాలకు ప్రత్యేక ల్యాబ్‌ని సెట్‌అప్‌ చేసుకోవచ్చు. అందుకు Pictures Lab ఇన్స్‌స్టాల్‌ చేసుకుంటే సరి. విండోస్‌ ఫోన్‌ 7 వెర్షన్‌కి సరిపడేలా ఆకట్టుకునే గ్రాఫికల్‌ యూజర్‌ ఇంటర్ఫేస్‌తో ఆప్‌ని క్రియేట్‌ చేశారు. మొత్తం 30 రకాల ఎఫెక్ట్‌లను జాబితాగా పొందొచ్చు. హెచ్‌డీఆర్‌, Soften, Auto Adjust, Sharpen, Comic, Sepia, Dynamic Previews... లాంటి ఆప్షన్లు ఉన్నాయి. http://goo.gl/ozj4A ఇవేమో అదనం! మరింత ఫ్రొఫెషనల్‌గా వాడుతున్న ఐఫోన్‌తో ఫొటోలు తీయాలనుకుంటే అదనపు లెన్స్‌ని ఫోన్‌కి యాడ్‌ చేయవచ్చు. అదే Olloclip. ఐఫోన్‌ 4/4ఎస్‌లకి లెన్స్‌ని క్లిప్‌ చేసి వాడుకోవచ్చు. మూడు రకాల లెన్స్‌ని పొందుపరిచారు. అవే ఫిష్‌ఐ, వైడ్‌ యాంగిల్‌, మాక్రో లెన్స్‌. ధర సుమారు రూ.3,850. వీడియో, ఇతర వివరాలకుwww.olloclip.com/product/* ప్రత్యేక స్టాండ్‌పై మొబైల్‌ని క్లిప్‌ చేసి స్టిల్‌ ఫొటోలు తీసుకోవాలంటే? అందుకో ప్రత్యేక స్టాండ్‌ సిద్ధంగా ఉంది. అదే GorillaPod ClampStand. మీరు వాడేది ఏ మొబైల్‌ అయినా స్టాండ్‌పై కావాల్సినట్టుగా అమర్చుకోవచ్చు. స్టాండ్‌కి ఏర్పాటు చేసిన కాళ్లను ఎటైనా ఒంచుకునే వీలుంది. ధర సుమారు రూ.1,650. మరిన్ని వివరాలకు http://joby.com/gorillapod/video మరికొన్ని చిట్కాలు.. * లైటింగ్‌ తక్కువ ఉన్నప్పుడు హెచ్‌డీఆర్‌ మోడ్‌ వాడడం మంచిది. లెన్స్‌పైన చేరిన దుమ్ము, వేలి ముద్రలతో కొన్ని సార్లు ఫొటోల నాణ్యత తగ్గుతుంది. అందుకే షూటింగ్‌ చేసేముందు కెమెరా లెన్స్‌ని క్లిన్‌ చేయాలి. * జూమ్‌ సదుపాయాన్ని వీలైనంతవరకూ వాడకుండా ఉంటేనే మంచిది. కెమెరా సెట్టింగ్స్‌లోకి వెళ్లి ISO of 200 or Lower ని సెలెక్ట్‌ చేయండి. దీంతో ఇమేజ్‌ క్వాలిటీ పెరుగుతుంది. * ఫొటో తీసిన తర్వాత ఎడిటింగ్‌ టూల్స్‌ని స్కెచ్‌గా మార్చడం మామూలే. అదే ఫొటో తీసేప్పుడే ఆ పని చేయాలంటే Camera Fun టూల్‌తో సాధ్యమే. http://goo.gl/TwLhw * రాత్రి సమయంలో ఫొటోలు తీసుకునేందుకు అనువుగా రూపొందించిందే Night Vision Camera. http://goo.gl/9h5sf * మొబైల్‌కి ఉన్న లెన్స్‌ని నాలుగు లెన్స్‌లుగా మార్చాలంటే 'మల్టీ లెన్స్‌ కెమెరా'తో సాధ్యమే. దీంతో ఒకేసారి నాలుగు ఫొటోలు తీసుకోవచ్చు. http://goo.gl/Yrjd2 అనివార్యమైతే... అలా వాడొచ్చు! వెబ్‌ కెమెరా పాడయ్యిందా?మరి, వీడియో ఛాటింగ్‌ చేయాలంటే?ఇంట్లో ఉన్న డిజిటల్‌ కెమెరానే... వెబ్‌ కెమెరాలా వాడుకోవచ్చని తెలుసా? కొత్తగా మార్గెట్‌లోకి వస్తున్న డిజిటల్‌ కెమెరాల్లో చిన్న మార్పులు చేయడం ద్వారా వాటిని వెబ్‌ కెమెరాగా కూడా వాడుకోవచ్చు. అందుకు కనెక్టివిటీ సెట్టింగ్స్‌ని మార్చుకుని కావాల్సిన సాఫ్ట్‌వేర్‌ని లోడ్‌ చేస్తే సరిపోతుంది. ముందుగా యూఎస్‌బీ కేబుల్‌తో కెమెరాని సిస్టంకి కనెక్ట్‌ చేయాలి. ఒకవేళ మీరు సాధారణ కెనాన్‌ డిజిటల్‌ కెమెరాని వాడుతున్నట్లయితే Extrawebcam 3.0 సాఫ్ట్‌వేర్‌తో వెబ్‌ కెమెరాలా వాడుకోవచ్చు. డెమో వెర్షన్‌తో ఉచితంగా ప్రయత్నించే వీలుంది. స్నేహితులతో వీడియో ఛాటింగ్‌ చేయవచ్చు. స్కైప్‌, ఎమ్మెస్‌ఎన్‌, ఏఐఎం, యాహూ మెస్సెంజర్‌... లాంటి ఇతర సర్వీసుల్లో కెమెరాని వాడుకోవచ్చు. వీడియోని రికార్డ్‌ చేయవచ్చు. నిఘా కెమెరాగా ఏర్పాటు చేసి నిత్యం మానిటరింగ్‌ చేయవచ్చు. 'మోషన్‌ డిటెక్షన్‌' సదుపాయం ఉంది. ఇన్‌స్టలేషన్‌ ప్రక్రియ మొత్తం ముగియగానే సిస్టం ట్రేలో ఐకాన్‌ గుర్తు కనిపిస్తుంది. కెనాన్‌ పవర్‌షాట్‌ సీరిస్‌ల్లో అప్లికేషన్‌ సపోర్ట్‌ చేస్తుంది. డౌన్‌లోడ్‌, ఇతర వివరాలకుwww.extrawebcam.comనిఘా వ్యవస్థగా... వాడుతున్న సాధారణ వెబ్‌ కెమెరాతో ఛాటింగ్‌ మాత్రమే కాదు. కావాల్సిన చోట నిఘా వ్యవస్థగా ఏర్పాటు చేయవచ్చు. అందుకు అనువైన సాఫ్ట్‌వేర్‌ మరోటి ఉంది. అదే Yamcam. ఉచితంగా దీన్ని డౌన్‌లోడ్‌ చేసుకోవచ్చు. కెమెరాని సిస్టంకి కనెక్ట్‌ చేసి లైవ్‌ స్ట్రీమింగ్‌తో రిమోట్‌ యాక్సెస్‌తో నిత్యం మానిటర్‌ చేయవచ్చు. నిర్ణీత సమయాల్లో కెమెరాతో శ్నాప్‌షాట్స్‌ ఆటోమాటిక్‌గా తీసుకునే వీలుంది. 'మోషన్‌ డిటెక్షన్‌' ద్వారా ఏదైనా గుర్తిస్తే వెంటనే ఫొటో రూపంలో సర్వీర్‌కి చేరిపోతుంది. రక్షణ విషయంలో తగిన జాగ్రత్తలు తీసుకునేలా టూల్‌ని రూపొందించారు. సాఫ్ట్‌వేర్‌ని పాస్‌వర్డ్‌తో తాళం వేయవచ్చు. సిస్టంలో టూల్‌ రన్‌ అవుతున్న విషయాన్ని ఇతరులెవ్వరూ గుర్తించలేరు కూడా. దీంతో నిఘా వ్యవస్థకి ఇతరులు అంతరాయం కలిగేలా చేయడం అసాధ్యమే. www.yawcam.com/download.php