Hai Bujji (13-07-2011)

సూర్యుడిని చుట్టొచ్చిన ఇంద్రుడు!
సౌర కుటుంబంలో... అతి పెద్ద గ్రహాల్లో నాలుగోది... సూర్యుడి నుంచి చూస్తే... ఎనిమిదవది... అదే నీలివర్ణాల నెప్ట్యూన్‌... ఏదో చెబుతుందట... విందామా!
నన్ను పోల్చుకున్నారా? రోమన్‌ పురాణాల్లో సముద్ర దేవుణ్ణి. హిందూ పురాణాల్లో ఇంద్ర దేవుణ్ణి. కానీ మీ పాఠ్య పుస్తకాల్లో మాత్రం 'నెప్ట్యూన్‌' గ్రహాన్ని. ఇంతకీ మీ పేజీలోకి ఎందుకు వచ్చానో తెలుసా? మీకొక విచిత్రమైన సంగతి చెబుదామని. మీరు మీ శాస్త్రవేత్తల దగ్గరకి వెళ్లి 'అంకుల్‌! నెప్ట్యూన్‌ గ్రహాన్ని కనిపెట్టి ఎంత కాలమైంది?' అని అడిగి చూడండి. '165 సంవత్సరాలు' అని చెబుతారు. కానీ నేనేమంటానో తెలుసా? కేవలం ఒక ఏడాదే అయిందని! ఇద్దరి జవాబులూ నిజమే. ఎలాగో చెప్పనా? మీ భూమ్మీద 165 సంవత్సరాలైతే, నాకు మాత్రం కేవలం ఒక్క ఏడాదే అయినట్టు! అంటే నేను సూర్యుడి చుట్టూ ఒక ప్రదక్షిణ చేయడానికి మీ భూమి లెక్కల ప్రకారం 165 సంవత్సరాలు పడుతుంది. అలా మీరు నన్ను ఎక్కడుండగా కనిపెట్టారో సరిగ్గా అక్కడకి ఇవాళే వచ్చాను. నేనంటూ ఓ గ్రహాన్ని ఉన్నానని మీ వాళ్లు 1846 సెప్టెంబరు 23న కనిపెట్టారు. సూర్యుని నుంచి చూస్తే నేను ఎనిమిదో గ్రహాన్ని. సూర్యుని నుంచి నా దూరం సగటున 4,50,40,00,000 కిలోమీటర్లు. మీ భూమికి చంద్రుడు ఒక్కడే కానీ, నాకు మాత్రం 8 చందమామలు ఉన్నాయి. నా చుట్టూ నేను తిరగడానికి నాకు మీ లెక్కలో 16 రోజులు పడుతుంది. సూర్యకుటుంబంలోని పెద్ద గ్రహాల్లో నేను నాలుగో స్థానంలో ఉంటాను. ఇటలీకి చెందిన గెలీలియో 1612లోనే నన్ను గుర్తించి సౌరకుటుంబం బొమ్మలో వేశాడు కానీ, నేనొక గ్రహాన్నని కనుగొనలేకపోయాడు. ఆ తర్వాత ఫ్రెంచ్‌ గణిత శాస్త్రవేత్త లే వెరియర్‌, బ్రిటన్‌ శాస్త్రవేత్త జాన్‌ కోజ్‌ ఆడమ్స్‌ నా ఉనికిని గణిత సూత్రాల ప్రకారం వెల్లడించారు. 1846లో జాన్‌ గాట్‌ఫ్రైడ్‌ గాలె అనే మరో పరిశోధకుడు నేను ఎక్కడున్నానో కనిపెట్టాడు.
నేను హైడ్రోజన్‌, హీలియం, మీథేన్‌ వాయువులతో, మంచుతో ఏర్పడ్డాను. మీథేన్‌ వల్లనే నేను నీలంగా కనిపిస్తాను. మీరొచ్చి నా మీద నిల్చున్నారనుకోండి. పాదాలు ఆన్చడానికి భూమ్మీదలాగా గట్టి నేల ఏదీ ఉండదు. మీ భూమి మీద కన్నా నా మీద గురుత్వాకర్షణ శక్తి 17 శాతం ఎక్కువ. మీ భూములు నాలుగు కలిస్తే ఎంతో అంతుంటాను నేను. ఇక నా మీద గంటకి 2,100 కిలోమీటర్ల వేగంతో భయంకర తుపాను గాలులు వీస్తుంటాయి. నాకు దగ్గరగా వచ్చిన ఒకే ఒక అంతరిక్ష నౌక ఏదో తెలుసా? వోయేజర్‌-2. 1989లో అది నాకు 3000 కిలోమీటర్ల దూరం నుంచి వెళ్లింది. నా ఉష్ణోగ్రత కూడా చాలా తక్కువ. మైనస్‌ 218 డిగ్రీల సెంటీగ్రేడ్‌ ఉష్ణోగ్రతతో అతి శీతలంగా ఉంటాను.

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

అమెరికాయానానికి 'ఈనాడు' తోడు

చిత్రం
ఉ న్నత విద్య.. మెరుగైన ఉపాధి అవకాశాలు.. బంధువులను కలవడం.. పర్యాటకం.. ఇలా అనేక అవసరాల నిమిత్తం రాష్ట్రం నుంచి చాలా మంది అమెరికా వెళ్తుంటారు. ఇందుకు వీసా సమకూర్చుకోవడమనేది మహా క్రతువు. దరఖాస్తు చేయడం మొదలు వీసా చేతిలో పడే వరకు ఎన్నో సందేహాలు, మరెన్నో సమస్యలు. ఇవన్నీ పరిష్కారం కావాలంటే అసలు ఎవరిని సంప్రదించాలో కూడా తెలియని అయోమయ పరిస్థితి. ఈ నేపథ్యంలో 'ఈనాడు' మీకు తోడుగా నిలుస్తుంది. వీసాలకు సంబంధించిన సందేహాల నివృత్తి, సమస్యల పరిష్కారంతోపాటు తగిన సూచనలు ఇచ్చేందుకు అమెరికా కాన్సుల్‌ జనరల్‌ కెథరీనా ధనాని సంసిద్ధత వ్యక్తంచేశారు. ఇందుకు మీరు చేయాల్సిందల్లా... మీ సందేహాలు, సమస్యలను స్పష్టంగా చెబుతూ మాకు ఈమెయిల్‌ చేయాలి. లేదా, ఉత్తరం రాయాలి. కేవలం అమెరికా వీసాలకు సంబంధించిన అంశాలను మాత్రమే అనుమతిస్తారు. లేఖలు పంపాల్సిన చిరునామా: ఈనాడు కార్యాలయం, 7-134/1, గూడ్స్‌షెడ్‌ రోడ్డు, మూసాపేట, హైదరాబాద్‌- 500018. ఈమెయిల్‌ చిరునామా:  usvisa@eenadu.net
మరింత చదవండి

Automatic Water Level Controller

చిత్రం
                                                         PIONEER TECHNOLOGIES Company Profile: Pioneer Technologies is a complete manufacturing company driven by high end technology, quality workmanship continuous R & D and total customer satisfaction and also caters intelligent products to both industrial and domestic sectors. Product Information: These fully automatic water management systems are rugged and reliable to take care of complete water management in your premises, so that you are completely relieved from water management issues, also you can save water, electricity and time.                                                                       ...
మరింత చదవండి