All in One

గ్రిడ్డు కాలం కుప్పకూలిన ఉత్తర, తూర్పు, ఈశాన్య విద్యుత్‌ గ్రిడ్లు స్తంభించిన జనజీవనం 21 రాష్ట్రాల్లో 60 కోట్లమందికి నరకయాతన 3 రాష్ట్రాల ఉల్లంఘనవల్లే.. తాగునీళ్లు లేవు ఏటీఎంలు బంద్‌ మూగబోయిన సెల్‌ఫోన్లు ఎక్కడి రైళ్లక్కడే బొగ్గు గనుల్లో చిక్కుకుపోయిన 265 మంది కార్మికులు న్యూఢిల్లీ - న్యూస్‌టుడే దే శంలో తీవ్ర విద్యుత్‌ సంక్షోభం ఏర్పడింది. సగం జనాభా పలు గంటల పాటు విద్యుత్‌ లేక విలవిల్లాడింది. సోమవారం అర్ధరాత్రి ఉత్తరాది గ్రిడ్‌ వైఫల్యంతో మొదలైన నరకయాతన మంగళవారం చుక్కల్ని చూపించింది. వరుసగా రెండో రోజూ ఉత్తరాది గ్రిడ్‌ కుప్పకూలగా.. దీంతో పాటు తూర్పు, ఈశాన్యగ్రిడ్లు కూడా గుడ్లు తేలేశాయి. సుమారు 21 రాష్ట్రాల్లో 60 కోట్లమంది ప్రజలు నరకాన్ని చవిచూశారు. వర్షాభావ పరిస్థితుల కారణంగా కొన్ని రాష్ట్రాలు గ్రిడ్ల నుంచి అధిక విద్యుత్తు లాక్కోవడమే ఈ వైఫల్యానికి ప్రధాన కారణమని అధికారులు ప్రాథమిక అంచనాకు వచ్చారు. ఇలాంటి రాష్ట్రాలపై చర్యలు తీసుకుంటామని కేంద్ర విద్యుత్తు శాఖామంత్రి సుశీల్‌కుమార్‌షిండే హెచ్చరించారు. మంగళవారం నాటి విద్యుత్‌ సంక్షోభాన్ని.. ప్రపంచం ఎదుర్కొన్న విద్యుత్తు విపత్తుల్లో ఒకటిగా పేర...

బహుదూరపు బాటసారి ఇందిర నుంచి సోనియా దాకా - ఎందరో నేతలు. రాజ్యసభ సభ్యత్వం నుంచి కేంద్రమంత్రి హోదా దాకా - ఎన్నో పదవులు. మిరాటీ నుంచి కొత్తఢిల్లీ దాకా - ఎన్నో మైళ్లు. భారత రాష్ట్రపతి ప్రణబ్‌ముఖర్జీ జీవితం ఓ సుదీర్ఘ ప్రయాణం. ఎ క్ల చొలో... ఎక్ల చొలో... ఎక్ల చొలోరే! 'ఎవరూ నీవెంట రాకున్నా... ఎవరూ నీ పిలుపు వినకున్నా...కారుచీకటైనా కారడవైనా... ఒంటరిగా... ఒంటరిగా... ఒంటరిగానే ముందుకు సాగవోయ్‌!' ప్రణబ్‌ముఖర్జీకి ఠాగూర్‌ సాహిత్యమంటే ప్రాణం. ఆనందంగా ఉన్నా, విషాదమనిపించినా పడక్కుర్చీలో సేదతీరుతూ రవీంద్ర సంగీతం వింటారు. అందులోనూ 'ఎక్ల చొలో..' గీతమంటే మరీ ఇష్టం. ఆ పాటకూ తన జీవితానికీ ఎక్కడో పోలిక ఉన్నట్టు అనిపిస్తుంది. నిజమే, నాలుగున్నర దశాబ్దాల ప్రజా జీవితంలో ఆయనదెప్పుడూ ఒంటరి ప్రయాణమే. అధికారగణం, ప్రొటోకాల్‌ హంగామా, గాంధీ-నెహ్రూ కుటుంబంతో సన్నిహిత సంబంధాలు...ఎన్నున్నా, అంతరాంతరాల్లో ప్రణబ్‌ ఏకాకే. ఎంతోకొంత అంతర్ముఖుడే! మూడుతరాలు... 'భారత ప్రజాస్వామ్యం వెనుక నెహ్రూ, ఆధునికత వెనుక ఇందిర, టెక్నాలజీ వెనుక రాజీవ్‌'... ప్రణబ్‌ ప్రసంగాల్లో మూడుతరాల ముచ్చట ఉండితీరుతుంది. దే...

ఒలిపింక్స్‌లో ఈసారి మన మోత మోగబోతోంది... అది పతకాలకు సంబంధించింది కాదు... కొందరు కుర్రాళ్ల కేరింతలకు చెందినది! వీళ్లు పలికించే సంగీతం... ప్రారంభోత్సవంలో సంబరం నింపనుంది! చెన్నై నుంచి 'స్టకాటో' బ్యాండ్‌గా వెళ్లనున్న వీళ్లు... దేశం నుంచి వెళుతున్న ఏకైక బృంద సభ్యులు! 21 వేల దరఖాస్తుల నుంచి... అవకాశాన్ని దక్కించుకున్న కళాకారులు! ఆ బ్యాండ్‌ వీరులతో మాట కలిపింది 'ఈతరం'. కు ర్రాళ్లు వాయిద్యాలు మీటడం వింత కాదు. ఒక చోట చేరి సాధన చేయడం అరుదేమీ కాదు. ఊళ్లు తిరుగుతూ ప్రదర్శనలు ఇవ్వడం కూడా అసాధారణం కాదు. కానీ ప్రపంచ దేశాల క్రీడాకారులు పాల్గొనే ఒలింపిక్స్‌ ప్రారంభ వేడుకలకు సంగీత హోరును అందించే 'బ్యాండ్‌' కళాకారులుగా ఎంపికవడం మాత్రం ఘనంగా చెప్పుకోదగిన అంశమే. అలాంటి అద్భుత అవకాశాన్ని అందిపుచ్చుకున్నారు చెన్నైకి చెందిన 'స్టకాటో' బ్యాండ్‌ సభ్యులు. అందునా ఆసియా నుంచి ఎంపికైన రెండే రెండు జట్లలో ఒకటిగా నిలవడం మరీ విశేషం. 21 వేల బృందాలు దరఖాస్తులు చేసుకోగా వీళ్లకే అవకాశం లభించింది. అభిరుచి కొద్దీ ఒకటైన కుర్రాళ్లు అంతర్జాతీయ స్థాయికి ఎదిగిన తీరు ఆసక్తికరం. తొలి అడుగులు...

ట్యాబ్లేట్‌ ఒడి! బుజ్జాయిల బడి!! ట్యాబ్లెట్‌... పెద్దలకు మాత్రమేనా? పిల్లలకు పలకగా మారిపోయింది! అక్షరాభ్యాసం చేస్తూ అన్నీ నేర్పేస్తోంది! అందుకు అనువైన అప్లికేషన్లు ఎన్నో!! రా బోయే రోజుల్లో పిల్లలకు అక్షరాభ్యాసం చేయించి స్కూల్‌కి పంపే సమయంలో పలకలు కొనకపోవచ్చు. ఏ ఐప్యాడో, ట్యాబ్లెట్‌ పీసీనో కొంటారేమో. ఔరా! అని ఆశ్చర్యపోనక్కర్లేదు. టెక్‌ మార్కెట్‌లో సందడి చేస్తున్న సరికొత్త ట్యాబ్లెట్లను చూస్తే నిజమే అనిపిస్తుంది. వినోద, వ్యాపార అవసరాలతో పాటు ఇప్పుడు బుడతల దృష్టిని ఆకట్టుకునేలా ఇవి మారుతున్నాయి. బుజ్జాయిల్ని బుజ్జగించే సాఫ్ట్‌వేర్‌లు అనేకం రూపొందుతున్నాయి. అక్షరాలు, పదాల్ని పలు విధాలుగా బోధిస్తున్నాయి. బొమ్మలు గీసే ఛార్ట్‌లుగా మారిపోతున్నాయి. పాఠాలు చెప్పే టీచర్‌లా అవతరిస్తున్నాయి. చెప్పాలంటే చాలానే ఉన్నాయి. అవేంటో వివరంగా తెలుసుకుందాం! దీంతో మొదలు నర్సరీ స్కూళ్లలోకి అడుగుపెట్టగానే కొన్ని పదాలు వినిపిస్తుంటాయి.  A  ఫర్‌ యాపిల్‌,  B  ఫర్‌ బాల్‌,  C  ఫర్‌ క్యాట్‌... లాంటివి. ఇలా ఇంట్లో కూడా మీ బుజ్జాయికి ఆడుతూ పాడుతూ పదాల్ని నేర్పాలంటే  Baby Flash...

ఏసీ గదుల కొలువు రొటీన్‌... ఎడతెగని పుస్తకాల చదువు బోర్‌... ఉద్యోగం, చదువు ఏదైనా... సమాజహితం జోడిస్తే వెరైటీ... అప్పుడిక ప్రశంసలు, మెచ్చుకోళ్లే! కుదిరితే ట్రెండ్‌ సెట్టర్లూ మీరే! అలా చదువుల్లో రాణిస్తూనే... మేటి ఆవిష్కరణలు చేశారు వీళ్లు! జాతీయ, అంతర్జాతీయ స్థాయిలో మెరిసిన... ఆ యువతరంగాల ముఖాముఖి 'ఈతరం'లో ఈవారం. ఇంధనం ఇక చౌక! పరిశోధన:  విజిబుల్‌ లైట్‌ డీ ఆక్సినైజేషన్‌ ప్రత్యేకత: ఇంధన పునర్వినియోగం రూపకర్త:  రాఘవేంద్ర రామచంద్రన్‌ గుర్తింపు: ఇంటెల్‌ అంతర్జాతీయ సైన్స్‌, ఇంజినీరింగ్‌ అవార్డు. గూగుల్‌ సైన్స్‌ ఫెయిర్‌ ఫైనలిస్ట్‌ చ మురు ధరలు రోజురోజుకూ కొండెక్కుతున్నాయి. భవిష్యత్తులో సంక్షోభంగా మారే ప్రమాదం. పరిష్కారం కనుగొనే దిశగా రాఘవేంద్ర రామచంద్రన్‌ చేసిన ప్రయోగమే 'విజిబుల్‌ లైట్‌ డీ ఆక్సిజనేషన్‌'. ప్రకృతిలో అపారంగా లభించే సూర్యరశ్మి సాయంతో జరిపే కొన్ని రసాయనిక చర్యల ద్వారా ఇంధన ఉత్పత్తులను తిరిగి వాడుకునే విధంగా మార్చడమే ఇందులో సూత్రం. ఈ చర్య పూర్తిగా పర్యావరణ అనుకూలమైంది. అంతేకాకుండా కేన్సర్‌ చికిత్సలో వాడే రేడియోథెరపీ, కీమోథెరపీల్లో కొత్త ప్రక్రియలకు కూడా ఈ సూత్రా...

ఏడడుగులు.. ఎన్నో ముళ్లు! తలంబ్రాల చీరకు చిరుగులొచ్చేస్తాయి. లగ్నపత్రికలోని అక్షరాలు మసకబారిపోతాయి. పెళ్లినాటి ఆల్బమ్‌ పాతబడిపోతుంది. ఎంగేజ్‌మెంట్‌ ఉంగరాలు ఎక్కడున్నాయో ఇద్దరికీ గుర్తుండదు. అంతవరకూ ఫర్వాలేదు. ప్రేమ మసిబారితేనే కష్టం. ఆకర్షణ పాతబడితేనే ఇబ్బంది. నమ్మకానికి చెదలుపట్టిందా, వదిలించుకోవడం చాలా కష్టం. అలా జరగకుండా చూసుకోవాల్సిన బాధ్యత, ఆలూమగలు ఇద్దరిదీ! 'ఆ మెకేమైంది?' 'నిరాసక్తత కమ్మేసింది' 'అతనెందుకిలా ఉన్నాడు?' 'జీవితం నిస్సారమైపోయింది' 'ఆ జంట ఎక్కడికెళ్తోంది?' 'విడాకుల కాగితాలు తెచ్చుకోడానికి' పెళ్లి షాక్‌ అబ్జార్బర్‌ లాంటిది. ఎన్ని సమస్యలొచ్చినా తట్టుకునే శక్తినిస్తుంది. కానీ పెళ్లే ఓ సమస్య అయితే... * * * బోర్‌. రొటీన్‌. చల్తాహై. వెధవ జీవితం. గానుగెద్దు గుర్తుకొస్తోంది. కొత్త అనుభవాల కోసం మనసు ఉవ్విళ్లూరుతోంది. లైఫ్‌లో కిక్కు కావాలి. షుగర్‌ లేదు, బీపీ లేదు, అంగస్తంభన సమస్య లేదు, అయినా శృంగారం ఇంత చప్పగా అనిపిస్తోందేమిటి? మనసులోనో మందుపార్టీలోనో, పెళ్లి గురించో జీవితభాగస్వామి గురించో... ఒక్కమాట చెడుగా మాట్లాడినా వైవాహిక జ...